ՀՐԱՄԱՆ
30․04.2024թ.
Հեղինակային կրթական ծրագրով, կրթահամալիրի ուսումնական օրացույցով որոշված մայիսյան ամենամյա 19-րդ ստեղծագործական հավաքի օրերին հանձնվում են ամենամյա «Հեղինակային կրթական ծրագրի հեղինակ», «Իմացումի հրճվանք», «Աիդա Պետրոսյան», «Մուտք մանկավարժություն» մրցանակները։ Մրցանակակիրների ընտրության նպատակով.
- մրցանակի թեկնածուների առաջադրումը, հայտերի ընդունումը կազմակերպել մինչև մայիսի 12-ը. պատասխանատու՝ մանկավարժության կենտրոնի ղեկավար Լուսինե Փաշայան.
- հիշեցնել, որ՝
- մրցանակի առաջադրում են հանրակթական ամենամյա ստուգատեսների կազմակերպիչները, դպրոցների, քոլեջի, մանկավարժության կենտրոնի, մանկավարժության լաբորատորիայի, մասնախմբերի ղեկավարները՝ որպես մայիսյան հավաքի կազմակերպիչներ.
- 6-12-րդ դասարանի, քոլեջի սովորողը, մանկավարժական աշխատողը կարող են ինքնառաջադրվել առցանց հայտով.
- առաջադրումը, հայտը հիմնավորվում են մրցանակի հավակնորդի, առաջադրողի բլոգում հրապարակված նյութերով.
- մրցանակի թեկնածուների ընտրության հանձնաժողով համարել՝
- «Իմացումի հրճվանք», «Աիդա Պետրոսյան»՝ 2-5 տարեկանների դաստիարակների, դասվարների մասնախմբեր, դպրոց-պարտեզների, քոլեջի ղեկավարներ, նախագահ՝ Լուսինե Փաշայան.
- «Հեղինակային կրթական ծրագրի հեղինակ», «Մուտք մանկավարժություն»՝ կրթահամալիրի մասնաժողով, նախագահ՝ Գևորգ Հակոբյան.
- մրցանակային հանձնաժողովին՝
- հայտերի քննարկումը կազմակերպել մինչև մայիսի 21-ը.
- մրցանակակիրներին ընտրել համաձայնությամբ։
- մրցանակները շնորհել հունիսի 7-ի ուրբաթ-համերգի ժամանակ. պատասխանատու՝ Սյուզի Մարգարյան, Ալիս Գևորգյան, Շողիկ Պողոսյան։
- Հրամանին անհատապես ծանոթացնել պատասխանատուներին։
Հիմք՝ «Կրթահամալիրում 2024թ. պարգևատրման, ամենամյա մրցանակների շնորհման մասին» հրամանը։
Կրթահամալիրի տնօրեն` Ս. Մարկոսյան